މާދަމާ ފަށާ މިއަހަރުގެ ހޮޓެލް އޭޝިއާ އެގްޒިބިޝަންގައި ވެސއ އެސްޓީއޯއިން ބައިވެރިވާނެ ކަމަށް ބުނެފިއެވެ.
މާދަމާއިން ފެށިގެން މި މަހުގެ 30 އަށް ހުޅުމާލޭ ސިންތެޓިކް ޓްރެކްގައި އޮންނަ މި ފެއާގައި ހުންނަ އެސްޓީއޯގެ ސްޓޯލް މި ފަހަރު ހާއްސަކޮށްފައި ވަނީ އެސްޓީއޯގެ ޖެނެރަލް ޓްރޭޑިން، އެސްޓީއޯ ޕީޕަލްސް ޗޮއިސް އަދި އެސްޓީއޯ އެނާޖީ އަށެވެ.
އެސްޓީއޯ ސްޓޯލްގައި އެސްޓީއޯ ސުޕަމާކެޓުން ލިބޭ ބައެއް ޕްރޮޑަކްޓްތައް ބޭނުންކޮށްގެން ތައްޔާރުކުރެވޭ ލުއި ކާނާ ވަގުތުން ތައްޔާރުކުރާ ސްޓޭޝަނެއް ހުންނާނެއެވެ. އަދި އެގްޒިބިޝަން ކުރިއަށްދާ ތިން ދުވަހު ވެސް ކޮފީސްޓޭޓްގެ ވަކި ބުއިންތަކެއް ހިލޭ ލިބޭނެއެވެ. މީގެ އިތުރުން އެސްޓީއޯ އިން ގެންނަ ބައެއް ޕްރޮޑަކްޓްތަކާ ބެހޭ މައުލޫމާތު ވެސް ސްޓޯލުން ފޯރުކޮށްދޭނެއެވެ.
"މީގެ އިތުރުން އާ ބްރޭންޑެއް އެސްޓީއޯއިން ތައާރަފްކުރާނެއެވެ. މި ބްރޭންޑް ތައާރަފްކުރާނީ މި އެގްޒިބިޝަންގެ ދެވަނަ ދުވަހުއެވެ. އަދި މި ޕްރޮޑަކްޓް ބޭނުން ކޮށްގެން ތައްޔާރުކުރާ އައިސްކްރީމާއި ފޮނި ކާތަކެތި ރަހަ ބެލުމުގެ ފުރުސަތުވެސް އެސްޓީއޯ ސްޓޯލުން ލިބޭނެއެވެ." އެސްޓީއޯގެ ބަޔާނެއްގައި ބުނެއެވެ.
"އެސްޓީއޯ ސްޓޯލްގައި އެސްޓީއޯގެ އެނާޖީގެ ފަރާތުން މިއަހަރު ރިޒޯޓު ކަސްޓަމަރުންނަށް ހާއްސަކޮށް، ތެޔޮ އުފުލައިދިނުމުގައި އެސް.ޓީ.އޯ އިން ފޯރުކޮށްދޭ ހިދުމަތްތަކުގެ މައުލޫމާތުދީ، މި މާކެޓުގައި ކަސްޓަމަރުންގެ ޑިމާންޑުތައް ހުރި ނެތްގޮތް ބަލާނެއެވެ."
މީގެ އިތުރުން އެސްޓީއޯ ސްޓޯލަށް ޒިޔާރަތް ކުރާ މީހުންނަށް ހާއްސަކޮށްގެން "ރެޖިސްޓަރ އެންޑް ވިން"ގެ ނަމުގައި ހަރަކާތެއް ކުރިއަށްދާނެއެވެ. މި ހަރަކާތް ކުރިއަށްދާނީ އެސްޓީއޯ ސްޓޯލްގައި ރަޖިސްޓްރީކުރާ މީހުންގެ މެދުގައި ކޮންމެ ދުވަހަކުވެސް ނަސީބުވެރިއަކު ހޮވާ ގޮތަށެވެ.
އަދި "ފޮލޯއެންޑް ވިން" ހަރަކާތުގައި އެސްޓީއޯ ޕީޕަލްސް ޗޮއިސް ޕޭޖް ފޮލޯކޮށްގެން ނަސީބުވެރިއަކަށް ޑިޝްވޮޝަރއެއް ލިބޭނެއެވެ.
ހޮޓެލް އޭޝިއާ ފެއާ ކުރިއަށް ދާނީ މާދަމާއިން ފެށިގެން މި މަހުގެ 30 އަށް ހުޅުމާލޭ ސިންތެޓިކް ޓްރެކްގައެވެ.
advertisment
