ދިރާގުގެ ބައެއް ޚިދުމަތްތައް ކަމުނުގޮސްގެން ޝަކުވާތައް ސޯޝަލް މީޑިއާގައި އަބަދުވެސް އޮހެމުންދެއެވެ. އިންޓަނެޓްގެ ސްޕީޑުގެ މައްސަލަ އެއް ބަޔަކަށް ކުރިމަތިވެގެން އުޅޭއިރު އަނެއް ބަޔަކަށް ކުރިމަތިވެގެން އުޅެނީ ކަސްޓަމަރ ސަރވިސްގެ ޚިދުމަތެވެ.
މުހައްމަދު އަމީން ކިޔާ މީހަކު ފޭސްބުކްގައި ކަންބޮޑުވުން ފާޅުކޮށްފައި ވަނީ މަސް ދެބައިވިތަނާ ދިރާގު އަންލިމިޓެޑް ޕެކޭޖް ހުސްވެގެންނެވެ.
"މިއަދު އަދި މަސް ދެބައިވީ. ޑަމީ އަންލިމިޓެޑް ޕެކޭޖުތަކެއް ހަދައިގެން އެ ހުސްވަނީ މަހުގެ 15 ވަނަ ދުވަހު. ދެން ރައްޔިތުންނަށް އިންޒާރުގެ މެސެޖް ފޮނުވަނީ ޖީބުގަ ބާކީ ހުރި އެތިކޮޅު ދިނީމައޭ އިތުރަށް މި މީހުންގެ ސަރވިސް ބޭނުންކުރެވޭނީ. ރައްޔިތުންގެ ޖީބު ފެލައިގެން ފައިދާއޭ ކިޔާ ފޮނިކަނޑަން ލަދެއްވެސް ނުގަނެޔޭ."
އަމީނުގެ ޕޯސްޓަށް ރައްދުދީ މުހައްމަދު ރަޝީދު ބުނެފައިވެއެވެ. "ތިއޮތީ ރައްޔިތުންގެ ލޭ ބޮއެގެން ހަރާމް ލާރި ފައިދާގެ ގޮތުގައި ލިބިފައި. އިންޓަނެޓުގެ އަގުހެޔޮކުރޭ. ހަރާމް ލާރި ކެއުން ހުއްޓާލާ!"
ދިރާގުން ދޭ އިންޓަނެޓް ސްޕީޑުގެ މައްސަލައިގައި ގިނަ ބަޔަކު ޝަކުވާ ކުރަމުންދާއިރު، ހިދުމަތެއް ހޯދަން ހުށަހެޅިތާ 22 ދުވަސް ވީއިރުވެސް ހިދުމަތް ނުދީ، އެ ހިދުމަތަށް ބިލްކުރަން ފެށުމުން ރުޅިގަދަވެގެން ވެސް މީހަކު ވަނީ ޝަކުވާކޮށްފައެވެ.
"މި ހިދުމަތަށް އަހަރެން އެޕްލައިކޮށްގެން އުޅޭތާ 22 ދުވަސްވެއްޖެ. އެކަމަކު އެއްވެސް ހަބަރެއް ނުވެފައި ނުދޭ ހިދުމަތަކަށް ބިލްކުރަން ވަނީ ފަށައިފައި. ވދފ. ތިއުޅެނީ މަގޭ ރޯދަ ގެއްލުވާލަންތަ؟" ޔާމީން ވަލީދު އޭނާގެ ޓްވިޓަރގައި ބުނެފައިވެއެވެ.
Dear @Dhiraagu It’s been 22 days since I applied for this service (016465818) but no respond and yet you have started billing me for a service not yet provided. WTF ! Are you trying to break my fast ? pic.twitter.com/NQsgIIQ52b
— Yaami (@yaminwaleed) May 7, 2021
އެހެން މީހަކު ވަނީ "އަމިއްލަ ޕޯސްޓްޕެއިޑް" އެއީ ބޮލުގައި ރިހުމެއް ކަމަށް ބުނެ، ޝަކުވާތައް އޮއްސާލައިފައެވެ.
This amilla postpaid thing has become such a headache istg. Had 3 gb allocated for streaming service, 10gb as amilla data and i get 10gb as device bonus data. Instead of deducting streaming service 3gb for netflix @Dhiraagu used my device bonus data and amilla data for it and now
— 🇲🇻 ✊🏾 🇵🇸 (@mobyir) May 9, 2021
ދިރާގުން ވަނީ ފައިދާގެ ގޮތުގައި އެ ކުންފުންޏަށް 219.7 މިލިއަން ރުފިޔާ ލިބުނު ކަމަށް އިއުލާންކޮށްފައެވެ. ސަރުކާރުގެ ހިއްސާވާ ކުންފުންޏަކަށް އެހާ ބޮޑު ފައިދާއެއް ވާއިރު، އިންޓަނެޓް އަގުހެޔޮނުކޮށް، ރައްޔިތުންގެ ޖީބުތައް ހުސްކުރަމުންދިއުން އެއީ އެންމެ ގިނަ މީހުންގެ ޝަކުވާއެވެ.
2 dhuvas vanee Raajjeyge emme gina dhuvas vee telecommunication kunfuni @Dhiraagu ah DM koggen ulheythaa. Adhives ehi suvaalah rangalhah javaabeh nudhey.
— Shumba Gong (@ShumbaGong) May 4, 2021
ބައެއް ފަރާތްތަކުން ބުނާ ގޮތުގައި ފޯޖީއޭ، ފައިވްޖީއޭ ކިޔަސް، ބައެއް ހިސާބުތަކުގައި ގޭތެރެއަށް އިންޓަނެޓްގެ ހިދުމަތް ނުލިބުމަކީ ވެސް ބޮޑު މައްސަލައެކެވެ. އެ ޝަކުވާތައް ދިރާގަށް ހުށަހެޅި ނަމަވެސް، އެކަމަކަށް ހައްލެއް ނާދެއެވެ.