ރައްޔިތުންގެ މަޖިލިސްގެ ރައީސް މުހައްމަދު ނަޝީދަށް އަމާޒުކޮށް މިރޭ ދިން ހަމަލާއަކުން ޒަޚަމްތަކާއެކު އެމަނިކުފާނު ސަލާމަތްވެވަޑައިގެންފިއެވެ.
ނަޝީދަށް ހަމަލާދީފައި ވަނީ ނަޝީދު ދިރިއުޅުއްވާ، ގ. ކެނެރީގެ ހުންނަ، ނީލޯފަރުމަގު ދެކުނު ކަންމަތީގައި، މަޖީދީމަގުގައި ޕާކުކޮށްފައި އޮތް ކާރުކޮޅަށް އަރާވަޑައިގަތުމަށް ބޮޑީގާޑާއެކު އެމަނިކުފާނު ވަޑައިގަންނަވަނިކޮށެވެ. ބާރުގަދަ އެއްޗެއް ގޮއްވާލައިފައި ވަނީ ކާރުކޮޅާ ވަރަށް ކައިރީގައި ޕާކުކޮށްފައި ހުރި ނޫކުލައިގެ ސައިކަލެއްގައެވެ. އެއްޗެއް ގޮވުމުގެ ސަބަބުން ސައިކަލްގެ ބައިތައް ވަނީ ބުރަބުރައިގެން ގޮސްފައެވެ. ގޮއްވާލަން ބޭނުންކުރި ޑިވައިސް އާއި އޭގެ ނަރުތައްވެސް އެތަނުގައި ފެންނަން ހުއްޓެވެ.
މަންޒަރުދުށް މީހުން ބުނި ގޮތުގައި ބާރުގަދަ އެއްޗެއް ގޮއްވާލައިފައި ވަނީ ރައީސް ނަޝީދު ކާރުކޮޅަށް އަރާވަޑައިގަންނަވަނިކޮށެވެ. މި ހަމަލާގައި ޒަހަމްވުމުން ނަޝީދު ވަނީ ވަގުތުން އޭ.ޑީ.ކޭ ހޮސްޕިޓަލަށް ގެންގޮސްފައެވެ. ނަޝީދުގެ ފޯނާއި ފައިވާންކޮޅު ވެސް ކާރުކޮޅު ކައިރީގައި ވެއްޓިފައި އޮތެވެ.
"ވަރަށް ބާރު އަޑުފަށްގަނޑެއް އިވިގެންދިޔަ. އެވަގުތު އަހަރެންވެސް ބޭރަށް ނުކުމެ ބަލައިލިއިރު މީހުންތައް ތިބީ ވެއްޓިފައި،" މަޖީދީމަގުގައި ހުންނަ ފިހާރައެއްގެ ސޭޓަކު ބުންޏެވެ.
މި ހާދިސާގައި ފަސް މީހަކު ޒަހަމްވެގެންް ހޮސްްޕިޓަލަށް ގެެންދިޔައެވެ. އޭގެތެރޭގައި ރައީސް ނަޝީދާއި ނަޝީދުގެ ބައެއް ބޮޑީގާޑުންނާއި ބިދޭސީއަކު ވެސް ހިމެނެއެވެ.
Raees Nasheed ah amaazukoh hamalaa eh dheefi pic.twitter.com/uHYTDFGFNs
— fisaarithedhu (@fisaarithedhu) May 6, 2021
މި ހަމަލާއަށް ގުޅިގެން ހަތިޔާރާއެކު ސިފައިން އަންނަނީ އެ ސަރަހައްދު ބަންދުކޮށް ފުލުހުންނާއެކު ހަރަކާތްތެރިވަމުންނެވެ. އަދި އެމް.އެން.ޑީ.އެފްގެ ބޮމް ޑިސްޕޯސަލް ޔުނިޓުން ވެސް ގެންދަނީ ހަރަކާތްތެރިވަމުންނެވެ.
މި ހަމަލާގެ ސަބަބުން ރައީސް ނަޝީދުގެ ހަށިކޮޅުގައި ވަރަށް ގިނަ ޒަޚަމްތައް ހުރި ކަމަށް މައުލޫމާތު ލިބެއެވެ. ޒަހަމްތައް ސާފުކޮށް ބައެއް ޒަހަމްތައް ފަހައިފައިވާ ކަމަށް ވެސް މައުލޫމާތު ލިބެއެވެ. ޒަހަމްތައް ގިނަކަމުން ނަޝީދަށް ފަރުވާ ދެނީ ހޭނައްތައިގެން ކަމަށް ވެސް މައުލޫމާތު ލިބެއެވެ. މި ހަމަލާގައި ނަޝީދުގެ އެތެރެހައްޓަށް ސީރިއަސް ގެއްލުމެއް ވެފައިނުވާ ކަމަށާއި އަދި ހޭނެއްތުމުގެ ކުރިން ރަނގަޅަށް ހަރަކާތްތެރިވެވަޑައިގެންނެވި ކަމަށް ވެސް މައުލޫމާތު ލިބެއެވެ.
މި ހާދިސާއާ ގުޅިގެން އެމް.އެން.ޑީ.އެފުން މިރޭ ނެރުނު ބަޔާނުގައިވެއެވެ.
"ދިވެހިރާއްޖޭގެ ކުރީގެ ރައީސުލްޖުމްހޫރިއްޔާ އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދު، ކެނެރީމަގުގެ ކޮޅުން މަޖީދީމަގާ ވީ ކޮޅުން އެ މަނިކުފާނު ކާރަށް އަރާވަޑައިގަންނަވަނިކޮށް އެއްޗެއް ގޮއްވާލައި، އެމަނިކުފާނުގެ ހަށިކޮޅަށް ގެއްލުން ލިބިވަޑައިގަތުމާ ގުޅިގެން އެމްއެންޑީއެފް އަންނަނީ ހަރަކާތްތެރިވަމުންނެވެ. އަދި މިކަމާ ގުޅިގެން އެމްއެންޑީއެފްގެ ސެކިޔުރިޓީ ވަރުގަދަކޮށް، އެލާޓް ސްޓޭޓަސް ވަނީ މަތިކުރެވިފައެވެ."
Dhivehi Raajjeyge kureege Raeesul jumhooriyyaa adhi Rayyithun Majileehuge Raees Alfaalil Mohamed Naseed, Keneree Magu ge Majeedhee Magaa vee kolhun e manikufaanu car ah araavadaigannavanikoh ehcheh govvaalai, e manikufaanuge hashikolhah gellun libivadaigathumaa gulhigen.. (1/2)
— Maldives National Defence Force (@MNDF_Official) May 6, 2021
އެމްއެންޑީއެފުން އަދި ބުނީ މިރޭގެ ހަމަލާގައި ސިފައިންގެ ތިން މީހަކަށް އަނިޔާވި ކަމަށެވެ. އޭގެ ތެރެއިން ދެ މީހަކަށް އޭ.ޑީ.ކޭގައި ފަރުވާ ދެމުން އަންނައިރު، އައި.ޖީ.އެމް.އެޗަށް ގެންދިޔަ މީހާ ކަންފަތަށް ފަރުވާ ދިނުމަށްފަހު ދޫކޮށްލައިފައިވާ ކަމަށެވެ. އޭ.ޑީ.ކޭގައި ފަރުވާ ދެމުން އަންނަ ދެ މީހުންގެ ހަށިގަނޑަށް ކުދިކުދި އަނިޔާތަކެއް ލިބިފައިވާ ކަމަށެވެ.
Tonight’s vicious attack on Speaker Prez @MohamedNasheed & others shows total disregard for human dignity amid a raging pandemic especially during the last few days of holy month of Ramadan. Strictly condemn such atrocity that reek of cowardice & incompatibility with civilization
— Mariya Didi 🎈 (@MariyaDidi) May 6, 2021
ރައީސް ނަޝީދަށް މިރޭ ދީފައިވާ ނުރައްކާތެރި ހަމަލާއާ ގުޅިގެން ރައީސުލްޖުމްހޫރިއްޔާ އާއި ނޭޝަނަލް ސެކިއުރިޓީ ކައުންސިލްގެ މެންބަރުން މިރޭ ބައްދަލުކުރާނެ ކަމަށް ރައީސް އޮފީހުގެ ތަރުޖަމާނު މަބުރޫކު އަޒީޒު ވިދާޅުވިއެވެ.
ރައީސް ނަޝީދަށް ދިން ހަމަލާއާ ގުޅިގެން، ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހާއި ވަޒީރުންނާއި ސަރުކާރުގެ އިސް ގިނަ ބޭފުޅުންތަކެއް ވަނީ އޭ.ޑީ.ކޭ ހޮސްޕިޓަލަށް ވަޑައިގެންފައެވެ.
މާލޭ ނީލޯފަރުމަގުގައި ބާރުގަދަ އެއްޗެއް ގޮވައި ރައީސް މުޙައްމަދު ނަޝީދަށް ލިބުނު އަނިޔާ އަށް މިހާރު ދަނީ އޭޑީކޭ ހޮސްޕިޓަލުގައި ފަރުވާ ދެމުން. މި އަމަލު އެންމެ ހަރުކަށި އިބާރާތުން ކުށްވެރިކުރަން.އަދި މި މައްސަލަ ފުލުހުން ދަނީ މިހާރު ތަޙުޤީޤުކުރަމުން.
— Ibrahim Mohamed Solih (@ibusolih) May 6, 2021
ރައީސް ނަޝީދަށް ދިން ހަމަލާ ކުށްވެރިކޮށް ކުރީގެ ރައީސުންނާއި ސަރުކާރުގެ އިސް ފަރާތްތަކާއި ސިޔާސީ ފަރާތްތަކުން ގެންދަވަނީ ޝުއޫރު ފާޅުކުރައްވަމުންނެވެ. މިގޮތުން ރައީސް މައުމޫން އަބްދުލްގައްޔޫމު ވަނީ ޓްވީޓެއް ކުރައްވައިފައެވެ.
I do hope and pray that Raees Nasheed is unhurt and well. I condemn in the strongest terms all acts of violence and terrorism.
— Maumoon Abdul Gayoom (@maumoonagayoom) May 6, 2021
އަދި ކުރީގެ ރައީސް ޑރ. މުހައްމަދު ވަހީދު ވެސް ވަނީ ޓްވީޓު ކުރައްވައިފައެވެ.
I strongly, wholeheartedly condemn the attack aimed at my fmr running mate & predecessor @MohamedNasheed. The propagation of hate in Maldivian politics must end, & we must find ways to unite & work together, rather than divide. My prayers are with him, the SPG, & their families.
— Mohamed Waheed (@DrWaheedH) May 6, 2021
މި ހަމަލާ ކުށްވެރިކޮށް އިދިކޮޅު ޕްރޮގްރެސިވް ކޯލީޝަނުން ވެސް ވަނީ ބަޔާނެއް ނެރެފައެވެ.
ރައީސް މުޙައްމަދު ނަޝީދުގެ ކާރުކޮޅު ކައރިން އެއްޗެއް ގޮވާ އެމަނިކުފާނަށް އަނިޔާ ވެފައިވާތީ، މިކޯލިޝަންގެ ފަރާތުން ހަމްދަރުދީ ފާޅުކޮށް އެމަނިކުފާނަށް އަވަސް ޝިފާއެއް ދެއްވުން އެދި ދުޢާ ކުރަމެވެ. pic.twitter.com/gn5DYRgmTO
— Progressive Party of Maldives (@ProgressPartyMV) May 6, 2021
ޕްރޮގްރެސިވް ކޯލީޝަންގެ ރައީސް އަބްދުއްރަހީމު ވެސް ވަނީ ވަކިން ޓްވީޓެއް ކުރައްވައިފައެވެ.
ރައީސް ނަޝީދަށް އަމާޒުކޮށް ދިން ނުރައްކާތެރި ބިރުވެރި ޙަމަލާ އެންމެ ހަރުކަށި ޢިބާރާތުން ކުއްވެރިކުރަން. މި ނުރައްކާތެރި ޙަމަލާގައި އެމަނިކުފާނަށް ލިބިވަޑައިގެންނެވި އަނިޔާއަށް އަވަސް ޝިފާއެއް ދެއްވުން އެދި މާތް اللہ ގެ ޙަޟްރަތުގައި ދުޢާ ދަންނަވަން @MohamedNasheed
— Abdul Raheem Abdulla (@Banafsaa) May 6, 2021
ރައީސް ނަޝީދަށް ދިން ހަމަލާ ކުށްވެރިކޮށް އެމަނިކުފާނުގެ ދޮށީ ދަރިކަނބަލުން މީރާ ލައިލާ ނަޝީދު ވެސް ވަނީ ޓްވީޓުތަކެއް ކުރައްވައިފައެވެ. އޭނާ ވިިދާޅުވީ އެއީ ރާވައިގެން އެތެރެއިން ހިންގާފައިވާ ކަމެއް ކަމަށެވެ.
Where the fuck were his bodyguards?! Why did you not check his car? Im like 90% sure this is an inside job I hate all of you
— Meera (@Gbgedhari1) May 6, 2021
މި ހަމަލާ ކުށްވެރިކޮށް ދިވެހި ނެޝަނަލް އެކްޝަން (ޑީ.އެން.އޭ) އިން ވެސް ވަނީ ޓްވީޓެއްކޮށްފައެވެ.
DNA condemns tonight’s terrorist attack on our Speaker of Parliament President Nasheed in strongest terms and denounces the use of violence of any form. DNA also demands that the government mobilizes all its resources to get to the bottom of this attack quickly and completely.
— Dhivehi National Action (@DNAmaldives) May 6, 2021
މި ހަމަލާ ކުށްވެރި ކުރައްވައި ފޮރިން މިނިސްޓަރު އަބްދުﷲ ޝާހިދު ވެސް ވަނީ ޓްވީޓު ކުރައްވައިފައެވެ.
Strongly condemn the attack on Speaker of Parliament, President @MohamedNasheed this evening. Cowardly attacks like these have no place in our society. My thoughts and prayers are with President Nasheed and others injured in this attack, as well as their families.
— Abdulla Shahid (@abdulla_shahid) May 6, 2021