ކީއްވެގެންބާއޭ އަހަރެމެން ގައުމުގައުމޭ ނުކިޔަނީ
ކީއްވެ އެކި ވަކި ކަރަކަރައިގައި ގައުމު އުރުގާ ބައިންދަނީ
ގެއްލުމެއް ލިބިދާނެތީ ދެރައެއް އަމާޒުވެދާނެތީ
ގެއްލުމާއިދުރަށް ގައުމުގެންދާން އެމީހުން މަރުދެނީ
އެންމެ ކުޑައިރު ގޭތެރޭންނާ ދެންދެވޭ އެދުރުގެތަކުން
އެންމެ ގަދަ އަޑަކަށް ތިމާގެ ގައުމު އަހަން އިއްވައިދެނީ
ތެދެކެ ގައުމެއް ގައުމަކަށް މިވަނީ ނުހަނު ގަދަ އެޅިގެނޭ
އެދެމެ ކުރިއަށްދާން ދުލުން ކިއަކަސް ނުވާނެ ޔަގީންވަނީ
މަދަރުސާއި ސްކޫލުގައި ގައުމީ ސަލާމުގެ އަޑު އިވޭ
އަދަކު އެވަގުތުވެސް ސަމާލުވެ އެކަމަކަށް ނޫން ތިބެވެނީ
ގައުމު ދުށް ގަދަ ފަހުލަވާނުން ގައުމު ދެކެ ލޯބިވި ދަރީން
ގައުމުގާ މަޝްހޫރުކޮށް ކިޔާނުދެވި ނަންތައް ފަނޑުވަނީ
ހާދަ ގުރުބާނީއެކޭ ގައުމަށްޓަކައި ވީ އެކިދަރީން
ހާދަ ބޭނުންވާނެ ޅަދަރިންނަށް އެކަންކަން ނޭނގެނީ
އިސް ސަފުން ގައުމަށް އަޅާލާ އާންމުކޮށް ފިލުވާދިނުން
އިސްކަމަށް ނުދެކޭ މިތާ ދިގު ހައްޓި+ފަސް އަހަރު މިވަނީ
ލޯބިވާން ދަސްކޮށްދެވުނު ނަމަ ގައުމުގައި ގައުމަށްޓަކާ
ލޯބިދީ ހޭހަންކުރާނެ ދަރިން ތިބީސް ކަށަވަރުވަނީ